2017 çулхи нарăс уйăхĕн 18-мĕшĕнче Ишек шкулĕнче вĕренекен 5-8 класс ачисем краеведении музейĕнче  пулчĕç. Унта вĕсем Афган вăрçи çинчен кинофильм (документлă фильм) курчĕç. Ун хыççăн ачасене Орлов Геннадий Леонтьевич (Афганистан вăрçин ветеранĕ) хăй çар ретĕнче пулни, душмансемпе çапăçни çинчен чуна тивмелле тĕплĕн каласа пачĕ. Вĕренекенсемпе вĕрентекенсем тимлĕн итлесе ларчĕç, унта 13 пин те сакăр çĕр ытла çын вилни çинчен пĕлчĕç, салтаксене шеллерĕç. Кайран ачасем Геннадий Леонтьевича тĕрлĕ ыйтусем пачĕç, тав турĕç. Ун хыççăн вĕренекенсем умнее Ишек ял администрацийĕн пуçлăхĕ Максимов А.Н. тухрĕ. Г.Л. Орлова тав тунă хыççăн ачасене спортпа туслă, çирĕп сывлăхлă, салтака кайма юрăхлă пулмалли çинчен каларĕ.

Тĕл пулу хыççăн Ишек шкулĕн вĕрентекенĕсем Г.Л. Орлова чун-чĕререн тав турĕç, çирĕп сывлăх сунчĕç.