2016 çулхи ака уйăхĕн 12-мĕшĕнче çын тĕнче уçлăхне вĕçсе кайнăранпа 55 çул çитрĕ. Çавна халалласа Ишекри вăтам шкулăн 6, 7 класĕсенче «Тĕнче уçлăхне парăнтарнă çынсем» темăпа калаçу иртрĕ. Ачасем Юрий Гагарин, Герман Титов тата Андриян Николаев космонавтсен пурнăçĕпе пултарулăхĕ çинчен тĕплĕнрех пĕлчĕç. Çавăн пекех чăвашсен тата тепĕр икĕ космонавчĕн (Н.М.Бударинпа М.Х.Манаров) пултарулăхĕпе паллашрĕç. Космоспа тата космонавтсемпе çыхăннă презентацисем пăхрĕç, тест ыйтăвĕсене хуравларĕç, сăвăсем каларĕç. Класс сехечĕ пурин кăмăлне те кайнине пĕлтерчĕç.